توهان

يا الله شو في اشيا بالدنيا ما بحبها...مرات ما بفهم على حالي .. بصير كتير تايهة.. طب شو أعمل ومع مين أحكي...لما تقول انو اشيا تافهة بتخلي بدنك مسموم...بتصير العالم تضحك عليك ...طب والحل...

عنجد الوضع جد ممل ومتعب...

اليوم الدنيا مطر والجو نوعا ما مريح...يعني بتحس العالم بها اللحظات بترجع لطبيعتها وبتتوحد مع الطبيعة ليعزفو لحن واحد صح بطيء بس حلو كتير...

الاحلا انو بالمطر نحمل كاسة الشاي ونتطلع من الشباك ع القطرات اللي بتنزل من السما كلها رحمة وحب وأمل لناس كتير...وبنتمنا انو هالخير ينزل على الناس الفقرا بافريقيا والجواعنين بكل انحاء العالم

يمكن واكيد نحنا ناس محظوظين كتير لانو عم نعيش هيك حياة وبما انو النا اتصال بالشبكة العنكبوتية معناها احنا نوعا ما مش ميتين من الجوع ............

الف فكرة وفكرة بالتانية يمكن هادا اللي عم يتعبني.......................

راقصني كثيرا

راقصيني قليلا كان عنوانا لكتاب ألفه الاعلامي زاهي وهبة..جعلني هذا العنوان اقف عنده قليلا وكثيرا... فقط العنوان لانه لم يصل فلسطين بعد...ولكنني بالفعل تساءلت لماذا اكتفى بالقليل...لماذا قليلا وليس كثيرا...هل نمل الرقص مع من نحب؟...أم انها القناعة.... فيكتفي المحب هنا بالقليل من محبوبه.. هو قنوع...طبعا....

لكنني لو كنت مكانه لقلت راقصني كثيرا حتى التعب...راقصني كثيرا حتى فقدان التوازن...راقصني حتى الثمالة...لانني قد لا أتعب...لأنك قد لا تملني...أو لأكن واثقة أكثر لأنك لن تملني...فلتراقصني من الصباح حتى المساء...ومن المساء حتى الصباح الاول والثاني والثالث...لان الصباحات كثيرة...ولأن صباحاتي أكثر من الصباحات العادية...

خوف

جاي على بالي أكتب ...بس ما بعرف ازا عندي فكرة أكتبها...من شي 5 ايام صايبني صداع كتير ومؤلم ومتعب...مكسلة اورح ع الدكتور ما بعرف ليش ....مع انو انا من النوع اللي ممكن بخاف ع صحتو بس هالمرة عم بأجل وبأجل

شوي هالشي مخوفني ومخليني شخص غير متوازن .........بس لازم اقرر أروح للدكتور

المهم انو اليوم عبالي اكتب بالعامية لانو بدي عبر عن حالي بطريقة مجردة ما في بحث عن مصطلحات ...زهقت من عمليات البحث عن كلمات اللغة اللي بتوازي الشعور...ما بعرف ازا كانت المشكلة عندي في المصطلحات والا كل العرب هيك لانو عاميتهم بتختلف عن الفصحا بقا بيلاقو كتير مشاكل .......وما بعرف ازا هالشي بيخصني بس انا........